‘हिट’ को पनि हिन्दी रिमेकमा राजकुमार सान्या

तेलुगू फिल्म ‘हिट’ को पनि हिन्दी रिमेकमा निर्माण हुने भएको छ । अहिले यस फिल्मको रिमेकका लागि कलाकार समेत छनोट भइसकेको छ । फिल्मका लागि मुख्य भुमिकामा राजकुमार राव र सान्या मल्होत्रा देखिने भएकी छन् ।

फिल्ममा अनुबन्धित भएपछि सान्याले आफुले हिट फिल्म हेरेको कारण यसको रिमेकमा काम गर्न राजी भएको बताएकी छन् । उनले आफ्नो जोडीको रुपमा राजकुमारलाई पाउदा निकै उत्साहित भएको उल्लेख गरेकी छन् ।

उनले फिल्मको साइन गरेपछि सान्याले भनेकी छन्,‘मैले ‘हिट’ हेरेको छु र मलाई वास्तवमै फिल्मको अवधारणा मनपर्यो । जब मलाई फिल्म अफर भयो, तब मैले तुरुन्तै हुन्छ भने । यो एक निकै रोचक र रमाइलो कहानी हो । राजकुमारसँग काम गर्न निकै उत्साहित छु ।’
निर्माण पक्षका अनुसार फिल्मका कलाकार फाइनल भएसँगै अब छायांकन सुरु गर्ने तयारीमा निर्माण टिम छ ।