‘रुद्र’ नामक वेव सिरिजबाट अभिनयमा फर्कदै इशा

विवाह बन्धनमा बाँधिएपछि चलचित्र क्षेत्रबाट ओझेल परेकी अभिनेत्री इशा देओल पुनः पर्दामा फर्किने भएकी छन् । उनले समाजिक सञ्जाल ट्वीटरमार्फत केही बर्षको अन्तरालपछि एक वेव सिरिजमा काम गर्न लागेको बताएकी छन् ।

इशाले ट्विटरमा लेखेकी छिन,‘रुद्र मेरो डेब्यू वेव सिरिज हो । यो सिरिजमा कलाकार अजय देवगणसँग म काम गर्दैछु । अजय र मैले केही चलचित्रमा एकसाथ काम गरेका छौं ।’
उनका अनुसार ‘रुद्र’ वेव सिरिजमा उनी नायक अजय देवगणको जोडीको रुपमा देखिदैछिन् । यो सिरिजमा अन्य कलाकारमा राशी खन्ना, हेमन्त खेरको मुख्य भुमिका रहने छ । निर्माण पक्षका अनुसार सिरिजको सुटिङ जुलाइको अन्तिमबाट सुरु गर्ने तयारी छ ।

अप्लाउज इन्टरटेन्मेन्टले निर्माण गर्न लागेको यो सिरिज हलिउड कलाकार इद्रिस एल्बाले अभिनय गरेको ‘लुथर’ नामक वेव सिरिजको हिन्दी रिमेक हो । जुन निकै हिट भएको थियो । इशा अभिनेता धमेन्द्र र अभिनेत्री हेमा मालिनीकी छोरी हुन् ।

 

Rudra – The Edge of Darkness",
my web series debut
& that too opposite Ajay @ajaydevgn who has been a fabulous co-star to me in many films.
produced by @ApplauseSocial and @BBCStudiosIndia . Coming on @DisneyplusHSVIP pic.twitter.com/LOU2eWjwlC

— Esha Deol (@Esha_Deol) July 7, 2021