रहेनन् सुपरम्यान हलिउड फिल्मका निर्देशक रिचर्ड डोनर

सुपरम्यान र द गुनिजजस्ता चर्चित हलिउड फिल्मका निर्देशक रिचर्ड डोनरको निधन भएको छ । डोनरको ९१ वर्षको उमेरमा निधन भएको हो ।

डोनरको सोमबार निधन भएको उनकी श्रीमती फिल्म निर्मातासमेत रहेकी लरेन शुलर डोनरले डेडलाइनलाई जानकारी दिएकी हुन् ।

सन् १९७० र ८० को दशकमा हलिउडमा तहल्का पिटेका डोनरले सुपरम्यान र द गुनिजसँगै द मेल गिब्सन–ड्यानी ग्लोबर बडी कप सिरिज, द ओमन, फ्री विली, द लस्ट बोइजसहितका फिल्म बनाएका थिए ।

 

उनले सन् १९७८ मा बनाएको सुपरम्यानलाई पहिलो आधुनिक सुपरहिरो फिल्म पनि मानिन्छ । उनले द गुनिजलाई १९८५ मा बनाएका थिए ।

अमेरिकाको न्यूयोर्कस्थित ब्रोङ्क्समा जन्मिएका डोनरले सन् १९६० को दशकको शुरुदेखि काम थालेका थिए ।