शाहरुख खान पनि कामको खोजिमा ,आलियासँग मागे काम

बलिउडका अभिनेता शाहरुख खान कामको खोजिमा रहेका छन् । काम विहिन बनेका शाहरुख खानले अभिनेत्री आलिया भट्टसँग काम मागेका छन् । हालै फिल्म ‘डार्लिंग’को सुटिङ सुरु गरेकी आलियासँग शाहरुख खानले काम दिनका लागि आग्रह गरेका छन् ।

यस फिल्ममा आलियाको अलवा शेफाली शाह र विजय बर्मा पनि मुख्य भूमिकामा देखिनेछन् । ‘डार्लिंग’ मार्फत आलियाले फिल्म प्रोडक्सनमा हात हालेकी छन् ।
केहि समय अघि शाहरुख खान र आलियाले ‘डियर जिन्दगी’मासँगै काम गरेका थिए । आलियासँग को स्टारको रुपमा काम गरेका शाहरुखले हालै उनीसँग काम मागेको खबर बाहिर आएको हो । उनले आलियासँगको कुराकानीमा आफु प्रोफेसनल रहने समेत बताएका छन् ।

आलियाले हालै सामाजिक सञ्जालमा फिल्मको सुटिङको बारेमा जानकारी दिदै ‘डार्लिङको पहिलो दिन । निर्माणको रुपमा मेरो पहिलो फिल्म हो । तर, म हमेसा पहिलो त कलाकार रुपमा रहनेछु ।’ आलियाको पोष्टमा शाहरुखले काम माग्दै लेखेका छन् ‘यो फिल्म पछि आफ्नो अर्काे प्रोजेक्टमा मलाई लिनु लिटिल वान । म छायाङ्कनमा समयमा आउँछु र प्रोफेसनल रहन्छु । बाचा ।’