गायक चेतनको नयाँ गीत ‘बाँधन’ सार्वजनिक

गायक चेतन राईको नयाँ गीत ‘बाँधन’ सार्वजनिक भएको छ । चेतन र ससिका राईको आवाज रहेको गीतको रचना भरत सिटौलाले गरेका हुन् । संगीत समेत सिटौलाले भरेको गीत एरेन्जको जिमेवारी विजेश्वर तण्डुकारले पुरा गरेका छन् ।

गीतको भिडियो समेत आर्कषक बनेको छ । भिडियोको छायाकंन सम्पादन तथा निर्देशन फराज अर्पनको रहेको छ । भिडियोमा नेहा तामाङ र अमृत ढुंगानालाई प्रेमिल जोडिको रुपमा देख्न सकिन्छ ।

यो गीत राईको तेस्रो एलबम ‘स्टेप’मा समाबेश हुनेछ । यस अगाडि नयाँ एलबममा समावेश हुने ‘मरेर के लानु छ’ तथा ‘कहिले कतै’ सार्वजनिक गरिएको थियो ।

सल्यान जिल्लामा जन्मेका गायक चेतन राई यतिबेला जापानमा छन् । सार्वजनिक भएको नयाँ गीत हेरेर तथा सुनेर प्रतिक्रिया दिन गायक राईको आग्रह छ । गीत गायककै युट्युब च्यानल चेतन राई अफिसियलमा गएर हेर्न सकिन्छ ।