तीन वर्षपछि एकसाथ ‘तिमी आयौ जिन्दगीमा’ भन्दै अन्जु पन्त र मनोजराज

तीन वर्षपछि गायिका अन्जु पन्त र गायक मनोजराज सिवाकोटीको स्वर रहेको गीत सार्वजनिक भएको छ । पुर्वश्रीमान श्रीमती समेत रहेका अन्जु र मनोजराजको युगल आवाजमा गजल गीत ‘तिमी आयौ जिन्दगीमा’ सार्वजनिक गरिएको हो । मनोजराजले संगीत भरेको यस गीतमा सुरेश वाग्लेको शब्द रचना रहेको छ ।
गीतको भिडियोमा गीतकार वाग्ले र उनकी श्रीमती प्रमिला कार्कीको अभिनय देख्न सकिन्छ । रंगपत्रकार तथा निर्देशक सुव्रतराज आचार्यको निर्देशन निर्माण भएको यस भिडियोमा उत्सव दाहालले छायाकन गरेका छन् । गीतको भिडियोलाई सम्पादन गर्ने काम विकास दाहालको छ ।