देवेन्द्र र पृथ्वीको ‘नदेखिन्या घाउ’ सार्वजनिक

नयाँ गीतको म्युजिक भिडियो ‘नदेख्या घाउ’ सार्वजनिक भएको छ । गायक देवेन्द्र बब्लु र पृथ्वी खनालको अभिनयमा ‘नदेखिन्या घाउ’ सार्वजनिक भएको हो । मौसम हिमालीको निर्देशनमा निर्माण भएको ६ मिनेट नौ सेकेन्डको भिडिमा अन्यगीत भन्दा तरिकाले निर्माण गरेका छन् । जसमा लवज, पहिरन र कथा भन्ने शैली आकर्षक रहेको देख्न सकिन्छ ।

गरिबीको मारमा परेका दुई युवा कथामा निर्मित भिडियोमा अथार्त परक रहेको छ । जहाँ ऋण खोजेर बनाएको पासपोर्ट र अझ बढी ऋण थपेर पुरानो साहुको ऋण चुक्ता गर्ने सपना देखेर म्यानपावर पुगेको युवाको पैसा र पासपोर्ट बुझाएका उनीहरू अर्को दिन अफिस पुग्दा सञ्चालक पैसा ठगेर भागिसकेको कथालाई देखाउन खोजिएको छ ।

यसमा पश्चिमा बोली शैलीको लवजलाई ‘नदेखिन्या घाउ’ को गीतमा ‘द भ्वाइस अफ नेपाल’का किरण गजमेर र धर्मेन्द्र सुनारले गाएका छन् । जसमा भ्वाइसकै करण राज कार्कीले सङ्गीत गरेका छन् । लेखु सहयात्रीको शब्द रहेका गीतको भिडियोमा देवेन्द्र र पृथ्वीलाई सङ्गीता थापा र सौरभ तिम्सिनाले अभिनयमा साथ दिएका छन् । भिडियोलाई विष्णुहरि तिमल्सिनाको सम्पादन, पिटर गुरुङको छायांकन रहेको छ ।