आलिया अभिनित ‘गंगुबाई काठियावाडी’को छायांकन समाप्त

बलिउड आलिया भट्टको मुख्य भूमिका रहेको फिल्म ‘गंगुबाई काठियावाडी’को छायांकन सकिएको छ । भारतिय मिडियाका अनुसार फिल्मको छायांकन मुम्बइको फिल्म सिटीमा सकेको हो ।

कोरोना भाइरसको त्रास तथा दोश्रो चरणको कोरोना माहामारीका कारण एक गीत र केही दृश्यको छायांकन बाँकी रहेको थियो । फिल्मको छायांकन गर्दा गर्दै अभिनेत्री आलिया भट्ट र निर्देशक संजयलिला भन्सालीलाई कोरोना संक्रमण भएको थियो । फिल्मको छायांकन चलिरहेको बेला दुई जनामा नै कोरोना संक्रमण देखिएपछि फिल्मको छायांकन रोकिएको थियो ।

संजयलिला भन्सालीको निर्देशनमा बनेको यस फिल्ममा आलियाका भट्ट मुख्यअभिनेत्रीको भुमिकामा रहेकी छन् । भारतिय मिडियाका अनुसार संजयलिला यो फिल्मपछि वेव सिरिज ‘हिरा मन्डी’को छायांकन थाल्ने तयारीमा छन् । जसमा आलिया र अजय देवगणको मुख्य भूमिका देखिदैछन् ।