चियर पर्सनलाई ज्यानमार्ने धम्की दिएपछि अभिनेत्री पक्राउ

बलिउड अभिनेत्री पायल रोहतगी पक्राउ परेकी छन् । उनलाई अहमदावाद पुलिसले शुक्रबार पक्राउ गरेको हो । सोसाइटीका चियर पर्सनसँग विवाद पछि सामाजिक सञ्जालमा अश्लिल शब्दको प्रयोग गरेर पोष्ट गरेको आरोपमा उनलाई पक्राउ गरिहेको भारतिय प्रहरीले जनाएको छ ।

अश्लिल शब्द सामाजिक सञ्जालमा पोष्ट गरेपछि विवादमा परेकी थिइन् । उनले आफुलाई गाली बर्सिन थालेपछि उक्त पोष्ट केहि समयपछि हटाएकी थिइन् । उक्त पोष्टमा उनलाई सोसाइटीको चियर पर्सनलाई ज्यान मार्ने धम्की दिएपछि सोसाइटीका चियर पर्सन र त्यहाँका मानिसले उनी विरुद्ध उजुरी हालेका थिए । उजुरीपछि उनलाई अहमदावाद स्याटलाइट पुलिसले पक्राउ गरेको हो ।

विवादको कारण के थियो ?

विभिन्न कारण विवादमा आइरहने अभिनेत्रीबीच ‘२० जुनमा सोसाइटीमा एक मिटिङ भएको थियो । उनी मिटिङमा सहभागी भएर बोल्न थालिन् । उनी बोलेको धेरै भएपछि चियर पर्सनले उनलाई सम्झाएका थिए । चियरपर्सनले आफुलाई धेरै नबोल्न भन्दै सम्झाएपछि उनी चियर पर्सनलाई गाली गर्न थालेको ’ उजुरीमा भनिएको छ ।

उनले आफ्नो रिस कन्ट्रोल गर्न नसकेपछि समाजिक सञ्जालमार्फत समेत चियर पर्सनमाथी खनिएकी थिइन् । चियर पर्सनको नाम लिएर अश्लील भाषाको पनि प्रयोग गर्नुका साथै उनले चियर पर्सनलाई सोसाइटीको गुन्डा समेत उल्लेख गरेकी थिइन् ।

भारतिय समाचारमा भनिए अनुसार सोसाइटीका एक सदस्य तथा पेशाले डाक्टर जयशले पायलको क्रियाकलाप सभ्य नभएको बताएका छन् । उनले एकपत्रिकासँगको कुराकानीमा अभिनेत्री सानोसानो कुरामा अरुसँग झगडा गर्ने, सोसाइटीका बच्चालाई खुट्टा भाच्ने धक्की दिने गरेको बताएका छन् ।