सन्ध्याले कसिन् लगनगाँठो

फिल्म ‘ड्रिम्स’ पण्डित बाजेको लौरी लगायतमा अभिनय गरेकी नायिका सन्ध्या केसीले कानुनी बिहे गरेकी छिन् । उनले, सामाजिक संजालमार्फत बैबाहिक जीवनमा बाँधिएको जानकारी दिएकी छन् । उनले सामाजिक सञ्जालमार्फते आभूषण ज्योती कंसकारसँग बिहे गरेको उल्लेख गरेकी छन् ।
‘हामीले कानुनी रुपमा एक अर्कालाई स्विकार गरेका छौं । आभुषणसँग बिहेको घोषणा गर्न पाउँदा म खुशी छु । जो मानिसले मलाई प्रेम, आदर र मित्रताको पाठ सिकाएको छ ,’उनले लेखेकी छन् ।

कोरोना त्रास र निषेधाज्ञाका कारण सन्ध्याले आभुषणसँग धार्मिक परम्परा अनुसार बिहे नगरेको उल्लेख गर्दै कोभिडको परिस्थिती सामान्य भएपछि धार्मिक परम्परा अनुसार बिहे गर्ने बताएकी छिन् ।