‘कृष ४’को तयारीमा ऋतिक रोशन

बलिउड ऋतिक रोशन फिल्म ‘कृष’को चौथो सिक्वेल निर्माण गर्ने भएका छन् । उनले फिल्म ‘कृष’ निर्माण भएको १५ बर्ष पुगेको अवसरमा ‘कृष ४’निर्माणको घोषणा गरेका हुन् ।

रोशनले सामाजिक सञ्जालमा  स्टाटस लेख्दै  आफुले  ‘कृष ४’निर्माण गर्न लागेको बताएका छन् । उनले लेखेका छन् ‘पहिलेको कुरा बितिसकेको छ । अब भबिश्य कस्तो लिएर त्यो देख्न बाकी छ ‘कृष ४’ ।’ बलिउड फिल्ममा सुपरहिट फिल्म ‘कृष’ को सिक्वेलले पनि राम्रै कमाई गरेको थियो । यो बलिउडमा सफल फ्रेन्चाइ फिल्म मध्येको एक फिल्म हो ।

कोरोना त्रास र संक्रमण नभएको भए यो फिल्म यतिबेला रिलिज भइसकेको हुने थियो । दुई बर्षअघि नै ‘कृष–४’ छिट्टै फ्लोरमा निस्किएर २०२०को क्रिसमसमा रिलिज गर्ने निर्माण पक्षको भनाई थियो । तर, फिल्मका निर्माता, निर्देशक राकेश रोशनले सो समय फिल्मको लेखन कार्य भइरहेको कारण सुटिङ गर्न नसकिएको बताएका थिए ।

‘कृष’ फ्रेन्चाइसको सुरुवात २००३ मा ‘कोई मिल गया’ फिल्मबाट भएको थियो । यसपछि अन्य दुई फिल्म ‘कृष’ २००६, ‘कृष ३’ २०१३ रिलिज भएको थियो । अव चारमा पनि ऋतिक रोशन निकै उत्साहित भएको भारतिय सञ्चारमाध्यमले बताएका छन् ।