मेलम्चीका संरचना पुननिर्माण गर्न कृष्ण मल्लको संयोजकत्वमा समिति गठन

सिन्धुपाल्चोकका बाढी प्रभावितको दीर्घकालिन व्यवस्थापनका आर्थिक सहायता जुटाउन अभिनेता कृष्ण मल्लको संयोजकत्वमा कलाकारहरुको समिति गठन भएको छ ।
शनिबार काठमाडौंमा स्वास्थ्यमन्त्री शेरबहादुर तामाङ, सिन्धुपाल्चोक जिल्ला विकास समितिका सभापति कृष्णगोपाल तामाङ, मेलम्ची नगरपालिकाका मेयर डम्बरबहादुर अर्याल लगायतका जनप्रतिनिधि एवं सिन्धुपाल्चोक गृहजिल्ला भएका कलाकारहरु कृष्ण मल्ल, जितु नेपाल, श्वेता खड्का, चेतन सापकोटा, कृष्ण ढुंगाना लगायतको उपस्थितीमा समिति गठन गरेको हो ।

समितिले सिन्धुपाल्चोकमा बाढी प्रभावित क्षेत्रमा भत्किएका संरचनाको पुननिर्माणको लागि कोष स्थापना गरेर सहायतालाई आह्वान गर्ने बताइएको छ । उनीहरुलाई दीर्घकालिन घरको आवश्यकता रहेको र घरको पुननिर्माण, त्यस्तै पुल र विद्यालयको पुननिर्माण लगायतका लागि हामी कलाकारहरुले औद्योगिक घराना, गैरआवासीय नेपाली र आफ्ना फ्यानहरुलाई सहयोगको आह्वान गरेको बताएका छन् । आगामी १० गते बस्ने बैठकमा अभिनेता मल्लले बताए । कलाकार संघ, प्राविधिक संघ, निर्माता संघ, सांगीतिक संघ लगायतका संघसंस्था लगायत अन्य कलाकारहरुलाई पनि समेटदै लैजाने समेत बताए ।