गर्मीमा रोहित मास्केको चिसो चिसो हावा चल्यो

धरानका गायक रोहित मास्केले आफ्नो नयाँ गीत ‘ चिसो चिसो हावा चल्यो’ विश्व संगीत दिवसको अवसर पारी सार्वजनिक गरेका छन्।
आफ्नै युट्युब च्यानल मार्फत लिरिकल भिडियोको रुपमा सार्वजनिक गरिएको हो ।

उक्त गीतमा गायक मास्केकै शब्द –संगीत समेत रहेको छ । जेम्स प्रधानले संगीत संयोजन तथा मिक्सिङ्ग गरेको गीत रेकर्डिङ्ग धरानको भावना स्टुडियोमा गरिएको हो ।

धरानका पुराना गायक रोहित मास्के लामो समयको विदेश बसाईपछि बिगत ५ बर्ष देखि धरानमै आफ्नो व्यवसायसंगै फुर्सदको क्षणमा संगीतमा समेत समय दिने गर्दछन। धरानमा हुने बिभिन्न सांगीतिक कार्यक्रममा समेत भाग लिईरहने गायक मास्केले ‘चिसो चिसो’ बोलको गीत पनि धेरै पल्ट गाइसकेका छन्।

एक बर्ष अघिको कोभिड महामारीमा केहि गीतहरु सार्वजनिक गरेका गायक मास्केले एक बर्ष पछि नया गीत सार्वजनिक गरेका हुन् । यहि गीतको छिट्टै म्युजिक भिडियो समेत बनाउने तयारीमा छन् गायक रोहित मास्के।