ह्यारी र मेगनलाई पुत्री लाभ

बेलायतकी डच एण्ड डचेज अफ ससेक्सलाई पुत्री लाभ भएको छ । पुर्व अभिनेत्रीले छोरीलाई गत शुक्रबार (४ जून) मा क्यालिफोर्नियाको सान्ता बारबरा कटेज अस्पतालमा छोरीलाई जन्म दिएकी हुन् ।

छोरीको आगमनले खुसी भएका यो जोडीले छोरीको नाम समेत राखि सकेका छन् । उनीहरुले महारानी एलिजाबेथ र ह्यारीकी दिवंगत आमा राजकुमारी डायनाको नाममा छोरीको नाम लिलिबेट ‘लिली’ डायना माउन्टबेटन–विन्डसर राखेको बिबिसीले जनाएको छ । आइतबार ६ जूनमा नवजात शिशुको तस्बिर बिना आधिकारिक रुपमा छोरी जन्मिएको कुरा सार्वजनिक गरियो हो । अहलिे ‘आमा र शिशु दुबैको स्वास्थ्य राम्रो छ,’ एक संयुक्त बयान जारी गर्दै यी दुईले जानकारी दिए ।

ह्यारी र मेगनले आफ्नो दोस्रो सन्तानको नाम रानीको पारिवारिक नाम लिलीबेट राखेको बताएका छन् । रानी एलिजाबेथ नवजात शिशुकी जिजुमुवा हुन् । उनको नाममा डायना पनि जोडिएको छ । दिवंगत प्यारी हजुरआमाको सम्मान स्वरुप चयन गरिएको प्रिन्स अफ वेल्स, प्रिन्स चार्ल्सले एक वक्तव्य जारी गर्दै भने । डायना प्रिन्स चार्ल्सकी जेठी श्रीमती हुन् । लिली स्थानीय समयानुसार शुक्रबार बिहान १०ः४० मा जन्मिएकी हुन् । जन्मका बेला उनको तौल लगभग साढे तीन केजी रहेको बताइन्छ ।