‘पृथ्वीराज’को नाम परिवर्तन गर्न अक्षयलाई करणी सेनाको चेतावनी

बलिउड अभिनेता अक्षय कुमारलाई यति बेला असाध्यै ठुलो तनाव आइपरेको छ । त्यो पनि फिल्मको नाम परिवर्तन गर्नुे चेतावनीले । उनी र नायिका मानुषी छिल्लरको मुख्य भूमिका रहेको फिल्म ‘पृथ्वीराज’ निर्माण नसकिदै उक्त चेतावनी आएको हो ।

उनलाई यो फिल्मको नाम परिवर्तन गर्न भारतका करणी सेनाले चेतावनी दिएको छ । फिल्मको नाम परिवर्तन नभएको खण्डमा निर्माणपक्षले ठूलो क्षती ब्यहोर्नुपर्ने करणी सेनाले चेतावनी दिएको हो ।

यो चेतावनीका कारण अहिले निर्माणपक्ष तनावमा रहेको छ । यशराजको ब्यानरमा निर्माण भइरहेको फिल्म राजा राजपुत पृथ्वीराज चौहानको जीवनीमा आधारित रहेर निर्माण भैरहेको हो । जसमा पृथ्वीराज चौहानको भूमिकामा अभिनेता अक्षय कुमारले अभिनय गरिरहेका छन् ।

राजपुत संगठन करणी सेनाका यूवा विंग अध्यक्ष तथा चलचित्र मेकर सुरजित सिंह राठौरले भारतीय मिडियासँगको कुराकानीमा जब फिल्म महान राज पृथ्वीराज चौहानको जीवनमा आधारित छ भने किन यसको टाइटल पृथ्वीराज मात्र राखिएको ? हामी चाहन्छौं कि फिल्मको टाइटलमा उनको पुरा नाम समावेश गरियोस् र उनलाई सम्मान दिइयोस् ।’

यस्तै, करणी सेनाले फिल्मको रिलिज अगाडि विशेष शोको आयोजना गरेर आफूहरुलाई चलचित्र देखाउनु पर्ने माग पनि गरेको छ । फिल्मलाई डाक्टर चन्द्रप्रकाश द्धिवेदीले निर्देशन गरिरहेका छन् ।