शिव र रचनाको ‘सुनको चन्द्रमा’ सार्वजनिक

गायक शिव परियार र गायिका रचना रिमालको स्वर रहेको गीत ‘सुनको चन्द्रमा’ को भिडियो सार्वजनिक भएको छ । दीपक शर्माको संगीत रहेको यो गीतमा पुष्प आचार्यको शब्द छ ।

यो गीतको भिडियोमा शंकर वीसी, शोवित बस्नेत, उत्सव अधिकारी, दीपा–दमन्ता, डाक्टर प्रतिक्षा पौडेलको अभिनय हेर्न सकिन्छ । यो गीतको छायांकन पटिहानीको अम्रेला स्ट्रिट, राप्ती नदीमा गरिएको छ ।

गीतको भिडियोमा भरतपुरको पटिहानीमा छायांकन गरिएको भिडियोमा पटिहानीको अम्रेला स्ट्रिट, राप्ती नदी, थारु संस्कृति, बोटे संस्कृति, हात्ती सफारीलाई पनि देखाइएको छ ।

शंकर वीसीको निर्देशन तथा कोरियोग्राफीमा तयार भएको गीतको भिडियोलाई रवि एन्ड उषा मिडियाले निर्माण गरेको हो । दुर्गा पौडेलको छायांकन रहेको गीतको भिडियोमा नविन घर्ती मगरको सम्पादन छ ।

सार्वजनिक गीत गायक शिवको अफिसियल युट्युब च्यानलबाट सार्वजनिक गरिएको छ ।