ओटिटि मै आउने भयो अर्जुन कपुरको ‘भुत पुलिस’

कोरोनाको कारण जताजतै फिल्म हल बन्द रहेका छन् । फिल्म हल बन्द भएपछि रिलिजका लागि तयार भएका फिल्महरु धमाधम डिजिटल प्लेटफर्मबाट रिलिज हुन थालेका छन् । हालै सलमान खान अभिनित ‘राधे’ विभिन्न डिजिटल प्लेटफर्मबाट रिलिज भयो ।

यहि भिडमा अभिनेता सैफ अलि खान, अर्जुन कपुर र ज्याकलिन फर्नाडीज अभिनित हरर कमेडी फिल्म ‘भुत पुलिस’ ओटिटि प्लेटफर्म मार्फत रिलिज हुने भएको छ । हलमा रिलिज गर्ने भनिएको फिल्म अव ओटिटि मार्फत रिलिज गर्ने निर्माण पक्षको तयारी रहेको छ । फिल्मका निर्माता रमेश तौरानीले फिल्मलाई फिलम हलमा रिलिज नगर्ने बताएका छन् ।

भारतिय मिडियासँग कुराकानी गर्दै उनले भने,‘एक तिर कोरानाको माहोल ठिक हुने केही ठेगान छैन, अर्काे तिर दर्शकको बानी पनि चेन्ज भैसकेको छ । यस्तो माहोलामा ठुला–ठुला स्टारको फिल्मले मात्र चलचित्रको घरमा कमाउन सक्नेछ ।’ तत्काल हल नखुल्ने छाँटकाट देखेपछि आफुले फिल्म ओटिटिमिा रिलिज गर्ने निर्णय गरेको बताए । कोरोना संक्रमणको त्रास कम भएको भए फिल्मलाई १० सेप्टेम्बरमा हलमा रिलिज गर्ने निर्माण पक्षको तयारी रहेको थियो ।