मनोज बाजपेयीको ‘द फैमिली म्यान २’ को ट्रेलर सार्वजनिक

बलिउड अभिनेता मनोज बाजपेयीको वेब सिरिज ‘द फैमिली म्यान २’को ट्रेलर रिलिज भएको छ।

आज अपलोड गरिएको उक्त ट्रेलर तीन घण्टामै १५ लाखले हेरिसकेका छन्। ट्रेलर रिलीज भएसँगै भाइरल बनेको छ। यो वेब सिरिजलाई दर्शकहरुले धेरै पहिलेदेखि नै प्रतीक्षा गरिरहेका थिए।

मेकर्स र मनोजले सामाजिक सञ्जालमा पोस्ट गर्दै ट्रेलर सार्वजनिक भएको जानकारी दिएका हुन् । एक्सन ड्रामा सिरिजको यो ट्रेलर दर्शकले मन पराएका छन् ।

वेब सिरिजको ट्रेलरमा मनोज र दक्षिण भारतीय अभिनेत्री सामन्था अक्किनेनी एक्सन अवतारमा देखिएका छन् । मनोजले श्रीकान्त तिवारीको भूमिका निभाएका छन् । उनी एक जासुस हुन्, जसले आफ्नो कामको विषयमा परिवारमा समेत जानकारी दिन सक्दैनन् ।

आफ्नो ज्यान खतरामा हुँदा समेत उनी एक सामान्य सरकारी कर्मचारी झैँ व्यवहार गर्न बाध्य हुन्छन् । सामन्थाले भने महिला आतङ्कवादी राजीको भूमिका निभाएकी छन् ।

बाजपेयीलाई बलिउडमा दमदार एक्टरको रुपमा हेरिन्छ। २०२१ जुन ४ मा यो सिरिजलाई रिलिजको तयारी गरिएको छ।