अन्तरिक्षमा सुटिङ गर्ने कलाकार छनोट

रसियाले अन्तरिक्षमा सुटिङ गर्ने कलाकार छनोट गरेको छ । समाचार एजेन्सी रोयटर्सका अनुसार क्यामरा पछाडि सघाउने दुई र दुई कलाकार गरी चार जनालाई रोसमोकस एजेन्सीले छानेको जनाएको छ । अन्तरिक्षमा सुटिङ हुने यो पहिलो फिल्म हुने छ ।

अन्तरिक्षमा सुटिङका लागि यो टोली अक्टोबर ५ मा जाने कार्यक्रम रहेको छ । यो फिल्मको वर्किङ टाइटल ‘च्यालेन्ज’ राखिएको छ । चार जनाले यही महिनाको अन्त्यबाट अन्तरिक्ष जाने फ्लाइटमा अभ्यास थाल्ने बताइएको छ ।

रसियाले अडिसनबाट दुई जनालाई छनोट गरेको हो । अडिसनबाट छानिएकोमा ३६ वर्षीय युलिया पेरेसिल्ड अभिनेत्री र क्लिप सेपेन्को निर्देशक रहेका छन् । क्लिप सेपेन्का अवार्ड विजेता निर्देशक हुन् । ३६ वर्षीय युलियाले १९ जना प्रतिस्र्धीलाई अडिसनमा पछि पार्दै यो फिल्म हात पारेकी हुन् ।

यी बाहेक एजेन्सीले ३३ वर्षीय अभिनेता अलेना मार्डोभेना र ४० वर्षीय अलेक्सेई डुडिन पनि अन्तरिक्षमा जाने क्रुमा रहेका छन्। तर, उनीहरूलाई जगेडा क्रुको रुपमा राखिएको हो ।

यसअघि नासा र टम क्रुजले पनि अन्तरिक्षमा सुटिङ गर्ने जनाएका थिए । गत साल टम क्रुज र एलन मस्कले यसको घोषणा गरेका थिए । तर, यो फिल्म कहिले सुटिङमा जाने टुंगो छैन । ‘च्यालेन्ज’ले अन्तरिक्षमा बिरामी परेका अन्तरिक्षयात्रीको उपचारका लागि पृथ्वीबाट जाने महिला सर्जनको कथा पेश गर्ने बताइएको छ ।

The ‘Challenge’ movie: medical review results. The Commission recommended to nominate:

? Yulia Peresild and Klim Shipenko as the prime crew;
? Alyona Mordovina and Alexey Dudin as the backup crew.

The launch of the #SoyuzMS19 spacecraft on October 5: https://t.co/3mndCBRXnu https://t.co/9xGqLJIN7U

— РОСКОСМОС (@roscosmos) May 13, 2021