बलिउड अभिनेता जिम्मी शेरगिल पक्राउ

बलिउड अभिनेता जिम्मी शेरगिल पक्राउ परेका छन् । उनलाई कोरोना प्रोटोकल उल्लंघनको आरोपमा पक्राउ परेका हुन् । प्रहरीले जिम्मीसहित ४ जनालाई पक्राउ गरेको समाचारमा उल्लेख गरिएको छ । भारतिय समाचारका अनुसार प्रहरीले उनलाई पञ्जाबको लुधियानाबाट पक्राउ गरेको हो ।

दैनिक भास्करमा प्रकाशित समाचारअनुसार सुटिङमा माक्स नलगाई सुटिङ गरेको आरोप छ । प्रहरी अधिकारी मनिन्दर कौरले सुटिङस्थलमा भौतिक दुरी पालना नगरिएको सूचना सोमबार आएको बताए । उनले भनेका छन्,‘कसैले मास्क पनि नलगाएको सूचना पाएपछि एसीपी सेन्ट्रल वरियाम सिंहको नेतृत्वमा पुगेको प्रहरी टोलीले उनीहरुलाई दुई चिट काटेको थियो ।’

नियम उल्लघन गरेरको आरोपमा प्रहरीले चिट काटेको थियो । चिट काटे पनि फिल्म युनिटले पुनः नियमको उल्लंघन गरेको आरोप प्रहरीको भनाई छ । मंगबार बेलुका प्रहरीले नाइट कर्फ्युका बाबजुद पनि सुटिङ भइरहेको र सेटमा १ सय ५० व्यक्ति उपस्थित भएका थिए । पक्राउ परेका ४ जनाका विरुद्ध सरकारी आदेशको उल्लंघन, ३ महामारी एक्ट र अन्य धारा अनुसार मुद्धा दर्ता गरिएको छ ।