प्रशान्तलाई मातृशोक

इन्डियन आइडल तथा अभिनेता प्रशान्त तामाङलाई मातृशोक परेको छ । उनले सामाजिक सञ्जालमार्फत आमाको निधन भएको जानकारी दिएका हुन् । उनले आमाको निधन दार्जीलिङस्थित घरमै भएको बताएका छन् । उनले सामाजिक सञ्जालमार्फत आमाको कहिले निधन भएकोबारे लेखेका छैनन् ।
प्रशान्त २००७ का ईण्डियन आइडल हुन् । उनले नेपाली फिल्म ‘गोर्खा पल्टन’बाट नेपाली फिल्ममा डेब्यू गरेका थिए । उनी अभिनित ‘परदेशी’ सफल नेपाली फिल्म हो भने ‘परदेशी २’ हालसालै छायाँकन सकिएर प्रदर्शनका लागि तयारी अवस्थामा रहेको छ । प्रशान्तको बुवा भने निकै वर्ष अघि सवारी दुर्घटनामा परि निधन भएको थियो ।