‘माया बैगुनी’ मा दिलिप र उर्मिलाको रोमान्स ( भिडियो )

गायिका उर्मिला लाम्गादेले आफ्नो नयाँ कोशेली ‘माया बैगुनी’ सार्वजनिक गरेकी छन्। प्रेमिल शैलीको यस गीतमा शब्द र संगीत बसन्त सापकोटाले गरेका छन् । गीतमा संगीत संयोजन सुदिप सागरको रहेको छ ।

गायिका लाम्गादेले यसै भिडियो मार्फत म्युजिक भिडियो अभिनयमा डेब्यु गरेकी छन्। म्युजिक भिडियोमा गायिका लाम्गादे र अभिनेता दिलिप रायमाझीबीचको प्रेम र आकर्षणलाई प्रस्तुत गरिएको छ। यस अघि गायिका उर्मिलाले गायक यम बराल संगको सहकार्यमा ’जवानी ताजा ताजा छ’ बोलको म्युजिक भिडियो सार्वजनिक गरेकी थिइन् ।

प्रज्वल पन्तले छायांकन गरेको यस भिडियोलाई बिष्णु खड्काले सम्पादन गरेका हुन्। बिक्की पुलामीको निर्देशनमा भिडियो तयार पारिएको हो। बुढा सुव्वा डिजिटलको आधिकारिक च्यानल मार्फत भिडियो सार्वजनिक भएको हो । भिडियोलाई दर्शक स्रोताबाट सकारात्मक प्रतिक्रिया प्राप्त भैरहेको छ।