गायक सलिन मगरको ‘म तिम्रै’ सार्वजनिक

गायक सलिन मगरको स्वरमा नयाँ म्युजिक भिडियो सार्वजनिक भएको छ।

रिलिज भएको गीतको भिडियोमा अभिनेत्री मिरुवा मगर र किरण दाहालको अभिनय रहेको छ। केन्द्रमोसन पिक्चर्सले प्रस्तुत गरेको गीतको भिडियोलाई सम्तेन भुटियाले निर्देशन गरेका छन्।

गायक सलिनले आफैँ शब्द र संगीत दिएको गीतको एरेन्ज पनि उनैले गरेका हुन्। यो म्युजिक भिडियो आइतबार दिउँसो ४ बजे सार्वजनिक गरिएको हो। भिडियोलाई केन्द्र मोसन पिक्चर्सले सार्वजनिक गरेको हो।

संगीत, शब्द, गायनमा आफूलाई खार्दै आएका सलिनले यसअघि पनि ‘थोरै तिमी बुन’, ‘निदभन्दा प्यारो तिमी’ लगायत सिर्जनाहरु सार्वजनिक गरिसकेका छन्।

भिडियो छायांकन, कलर र सम्पादनको काम विकेश मगरले गरेका छन्।