प्रेमध्वजले लोकार्पण गरे उदेशको ‘मलाई तिमी मन पर्यो’

काठमाडौमा एक कार्यक्रमको आयोजना गर्दै ‘मलाई तिमी मन पर्यो’ बोलको गीत सार्वजनिक गरिएको छ । गीतलाई गायक उदेश श्रेष्ठले गाएका छन् भने शब्द तथा संगीत पनि उनैको छ । कार्यक्रममा प्रमुख अतिथिको रुपमा वरिष्ठ गायक प्रेमध्वज प्रधानको उपस्थिति रहेको थियो । कार्यक्रममा विशिष्ट अतिथिको रुपमा काठमाण्डू महानगरपालिकाका प्रमुख प्रशासकीय अधिकृत राजेश्वर ज्ञवाली उपस्थित रहेका थिए । त्यस्तै कार्यक्रममा संगीतकार तथा गायक जेम्स प्रधान , राहुल प्रधान , शिव परियार लगायतको उपस्थिति रहेको थियो ।

उदेश्य गीतिसंग्रहमा संग्रहित पहिलो गीतको भिडियो सार्वजनिक गर्दै गायकप्रधानले उदेशलाई संगीतमा निरन्तरता दिन आग्रह गरे । उनले भने,‘उदेशले आफैले गाउनुका साथै संगीत गर्न सक्छन र लेख्ने क्षमतापनि रहेछ । अब उनले संगीतमाआफुलाई निरन्तर लगाउनु पर्छ । उनलाई श्रोताले रुचाइसकेका छन् , त्यसैले निरन्तर गीतसंगीतमार्फत साक्षात्कार गर्नुपर्छ ।’ यस्तै कार्यक्रममा उदेशले गायक प्रेमध्वजको सफल गीतहरु गाए । उनले लाइभ ब्याण्डसंग तारा मात्र होइन तिमीलाई , घुम्तीमा न आउ है , तारा मात्र होइन तिमीलाई जस्ता कालजयी गीत गाएका थिए ।
उनले प्रेमध्वजकै अगाडी गीत गाउनु पाउदा आफुलाई भाग्यमानी रहेको बताए । यता गीत सुनिसकेपछि प्रेमध्वजले पनि मुक्तकण्ठले प्रसंसा गरे ।
गाय उदेशलाई यस सार्वजनिक म्युजिक भिडियोमा माङ्गसालिम्बु , सञ्जल भण्डारी र प्रिया लिम्बुले अभिनयमा साथ दिएका छन् ।
म्युजिक भिडियोमा छेवाङ्ग लामाको निर्देशन रहेको छ । कार्यक्रममा उपस्थित प्रमुखअतिथि प्रेमध्वज , विशिष्ट अतिथि राजेश्वर , जेम्स , राहुललगायतलाई मायाको चिनोको रुपमा नेपाली टोपीसंगै सारंगी प्रदान गरिएको थियो । उदेशले कार्यक्रममा राम्रो प्रतिक्रिया पाएपछि भने ,‘मैले पाएको मायालाई म घट्न दिने छैन । आफ्नो गीतसंगीतमार्फत अबनिरन्तर रुपमादर्शक तथाश्रोतासंग जोडिने छुु ।’ आफु ट्रेजेडी गीतहरु मार्फत चिनिएको स्वीकार्दै आउँदा दिनमा रोमान्टिक शैलीको गीतमार्फत पनि चिनिने विश्वास व्यक्त गरे । उनले ‘तिमी मन पर्यो’ रोमान्टिक शैलीको सरल गीत रहेको बताए । ‘ यो प्रेम गर्ने जोडीको भावनाहो । सरल तरिकाको गीतलिएर आएका छौं,’उदेशले भने ।