सह–अभिनेत्रीमै चित्त वुझाउँदै सम्पदा

मोडल सम्पदा बाँनियाको हल्लाखल्ली सुनिदैन अचेल । भिडियो पनि उनको पहिले जस्तै आएको पाइन्न । सम्पदाले भिडियोमा खुबै काम गरेकी हुन् । फिल्ममा पनि उनलाई दर्शकले कहिलेकाही देख्छन् । तर, कहिले छोटो भूमिकामा । कहिले उनी सह अभिनेत्रीमा । मुख्य अभिनेत्रीमा उनलाई कसैले पत्याएन ।

मारुनी फिल्म हेर्नुभएको होला भनेर भनौ । यो फिल्ममा पनि छिन् उनी । तर, साम्राज्ञी राज्यलक्ष्मी शाह र रेविका गुरुङ भएको फिल्ममा उनलाई कसले नोटिस गर्यो र । खासै चर्चा भएन नी सम्पदाको ।

कथा यत्ती मात्र होइन । उनले, प्रेमगन्ज फिल्म खेल्ने भइन् । संझौता भैसक्यो फिल्ममा । फिल्ममा अभिनेत्री वेनिशा हमाल छिन् । बेनिशा भएपछि उनी लिड भूमिकामा हुन् भनेर भन्न पर्दैन होला । सम्पदा यसमा पनि सह अभिनेत्री नै हुन् भनेर वुझिएला ।

फिल्मका निर्माताले २ अभिनेत्रीमध्ये एक सम्पदा भनेका त छन् । तर, फिल्म नै खेले पनि सफलता, सम्पदाका लागि कहिले हात पर्ने हो । खै खै ।