फिल्म ‘रिभेन्ज’ को फर्स्ट लूक सार्वजनिक

फिल्म ‘रिभेन्ज’ को फर्स्ट लुक पोस्टर सार्वजनिक भएको छ ।

डिएस डिजिटल सिनेमाको ब्यानरमा मोहन गमालको प्रस्तुति तथा अमन कुमार देवको निर्माणमा तयार भएको नेपाली फिल्म ‘रिभेन्ट’ को फर्स्ट लूक पोस्टर सार्वजनिक भएको हो ।

यो फिल्म शंकर अधिकारी घायलको लेखन तथा निर्देशनमा निर्माण भैरहेको छ । पोस्टरले फिल्मको छवि उजागर गरेको निर्देशक अधिकारीको भनाइ छ ।

फिल्ममा खगेन्द्र घिमिरे ,रोशन बिसि, विशाल अग्रवाल, रविन श्री, प्रीतिका शर्मा, रेनु थापा, माया चाहर, पदम सुनार, आर जे भिलेनको मुख्य अभिनय रहेको छ ।

फिल्ममा कृष्ण पाण्डेको छायाङ्कन, राजन महर्जनको नृत्य, देव महर्जनको द्वन्द्व, सानु सबिकको ड्रोन, विश्वास भण्डारीको सम्पादन रहेको छ । चलचित्रका गीतहरूमा नित्याशिवा, दीपक लिम्बु, पूर्ण सापकोटा र दिलु श्रेष्ठको स्वर रहेको छ । फिल्म अगामी असारमा प्रदर्शन गर्ने निर्माण पक्षको तयारी छ ।