‘चालबाज’मा दोहोरो भूमिका निर्वाह गर्दै श्रद्धा

अभिनेत्री श्रद्धा कपुरलाई फिल्म ‘चालबाज’मा दोहोरो भूमिकाका लागि अनुवन्धित गरिएको छ । उनलाई निर्माता भुषण कुमार र अहमेद खानले दोहोरो भुमिकाका लागि अनुबन्धित गरेका हुन् । श्रद्धाले पहिलो पटक पर्दामा दोहोरो भूमिका निर्वाह गर्न लागेकी हुन् ।

यस फिल्मलाई टी–सिरिज र डल इन्टरटेन्मेन्टले संयुक्त रुपमा निर्माणमा बन्ने फिल्मलाई पंकज पारासरले निर्देशन गर्दैछन् । यो फिल्ममा दोहोरो भुमिका पाएकी निकै श्रद्धा उत्साहित छिन् । श्रद्धाले एक मिडियामा दिएको अन्तरवार्ताका क्रममा उनी आफुलाई भाग्यमानी ठानेको बताएकी छन् । उनले भनेकी छन्,‘यो फिल्मका लागि निर्माणपक्षले मलाई छनोट गरेकोमा म भाग्यमानी ठान्दछु ।

फिल्ममा दोहोरो भूमिका मेरा लागि चुनौतीपूर्ण नै छ । तर, पंकज सर जस्तो सफल निर्देशकसँग काम गर्न पाउँदा म उत्साहित छु ।’ उनको यो भनाई बाहिरिएपछि निर्देशक पंकजले पनि श्रद्धाको प्रशंसा गरेका छन् । पंकजले सन् १९८९ मा अभिनेत्री श्रीदेवीलाई मुख्य भूमिकामा राखेर ‘चालबाज’कै निर्देशन गरेका थिए । अहिले श्रद्धालाई राखेर पुनः निर्देशन गर्दैछन् ।