सनी देओलका कान्छा छोरा पनि फिल्म खेल्दै

बलिउडका अभिनेताहरु आफ्ना सन्तानलाई फिल्म क्षेत्रमा भित्राउने होडबाजी नै चलेको देख्न सकिन्छ । यहि भिडमा अभिनेता सनी देओल परिवारको तेस्रो पिढीले पनि फिल्ममा अभिनेताका रुपमा इन्ट्रि मार्ने भएका छन् । सनीका छोरो राजवीर देओलले पनि फिल्म अभिनय गर्ने भएका छन् । उनी सनी देओलका कान्छा छोरा हुन् ।
अहिले बलिउडमा सनीका छोरा फिल्ममा अभिनय गर्ने कुराले चर्चा पाएको छ । सनीका छोरा फिल्ममा डेब्य्ु गर्न लागेको कुरा अभिनेता धर्मेन्द्रले सामाजिक सञ्जालबाट जानकारी दिएका छन् । उनले सनीका छोरा राजवीरले फिल्ममा आउन लागेको बताएका छन् ।

धर्मेन्द्रले आफ्नो आधिकारिक ट्वीटरमा राजवीरको फोटो शेयर गर्दै,‘मेरो नाती राजवीर फिल्मी दुनियाँमा कदम राख्न गइरहेको छ । अवनीश बडजात्याको निर्देशनमा बन्ने फिल्मबाट उसले डेब्यू गर्नेछन् । म तपाईंहरुसँग अनुरोध गर्दछु कि दुवै बच्चालाई त्यति नै प्रेम दिनुहोस्, जति मलाई दिनुभएको थियो । गुड लक र गड ब्लेस ।’ लेखेका छन् । राजवीरका दाजु करन देओलले यस अघि नै फिल्ममा अभिनय गरिसकेका छन् । उनले ‘पल पल दिल के पास’ बाट बलिउडमा डेब्यू गरेका थिए ।

https://twitter.com/aapkadharam/status/1377145733564919810/photo/1