अभिनेत्री अनुष्का डेलिभरीको दुई महिनामै सुटिङमा फर्किन्

बलिउड नायिका अनुष्का शर्मा डेलिभरीको दुई महिनामा काममा फर्केकी छन्। पहिलो सन्तान जन्मेको डेढ महिनापछि काममा फर्केकी हुन्।

उनले जनवरीमा छोरीलाई जन्म दिएकी थिइन्। पहिलो सन्तान भामिका जन्माएको डेढ महिनापछि उनी मुम्बईमा देखिएकी हुन्। गर्भावस्थामा अनुष्काले सन्तान जन्मेपछिको आफ्ना योजनाहरु सुनाएकी थिइन्।

विज्ञापनको सुटिङमा देखापरेकी अनुष्काले छोरी हेर्ने जिम्मा पति तथा भारतीय क्रिकेट टिमका कप्तान विराट कोहलीलाई सुम्पिएकी छन्। डेलिभरीपछि अनुष्का यति चाँडो काममा फर्केकोबारे बलिउडमा अनेक चर्चापरिचर्चा सुरु भएको छ।

उनले भनेकी थिइन्, ‘म सन्तान जन्मिसकेपछि छायांकनमा फर्किन्छु। अनि घरमा एउटा व्यवस्था बसाल्छु, ताकि म काम, बच्चा र घर सबैलाई समय दिन सकौँ। म सक्दासम्म आफ्नो अभिनयलाई निरन्तरता दिन्छु किनकी यसले मलाई खुशी दिन्छ।’

उनले गर्भाअवस्थामा पनि धेरै व्यवसायिक छायांकन गरेकी छन्।