अक्षयले थाले ‘रामसेतु’को सुटिङ

बलिउडमा व्यस्त अभिनेता अक्षय कुमार एकपछि अर्को फिल्ममा व्यस्त भएका छन् ।   उनी अभिनित फिल्म ‘रामसेतु’को सुटिङ सुरु भएको छ । फिल्मको छायांकन गर्दै गर्दाको एक तस्विर सार्वजनिक गर्दै फिल्मको छायांकन सुरु भएको अक्षयले नै जानकारी दिएका छन् । उनले फिल्मको छायांकन स्थलबाट आफ्नो लुक्स समेत सार्वजनिक गरेका छन् ।

ट्वीटरमा अक्षयले आफ्नो लुक्स सार्वजनिक गर्दै लेखेका छन्,‘ आजबाट फिल्म रामसेतुको छायांकन सुरु भएको छ । मेरो लागि खास फिल्मबाट एक बनाउने यात्रा आजबाट नै देखि सुरु भएको छ । म यस फिल्ममा एक आर्कियोलोजिस्टको भुमिका निभाउँदैछु ।’ यस फिल्मलाई अभिषेक शर्माले निर्देशन गर्दैछन् भने फिल्ममा अक्षयसँगै अभिनेत्री ज्याक्लिन फर्नान्डिज र नुशरत भरुचाको मुख्य भूमिका रहनेछ । फिल्मको प्रदर्शन मिति भने खुलाइएको छैन ।

The journey of making one of the most special films for me begins today. #RamSetu shooting begins! Playing an archaeologist in the film. Would love to hear your thoughts on the look? It always matters to me?? @Asli_Jacqueline@Nushrratt@Abundantia_Ent@LycaProductions pic.twitter.com/beI6p0hO0I

— Akshay Kumar (@akshaykumar) March 30, 2021