‘मेरो माया करोड’ भन्दै सुगम र सोना

सुगम पोखरेल र सोना अमात्यको आवाजमा ‘मेरो माया करोड’ बोलको गीतको भिडियो गरिएको छ । सोमबार काठमाडौँमा एक कार्यक्रमकाबीच उक्त गीतको भिडियो सार्वजनिक गरिएको हो । यस गीतमा दीपक शर्माको शब्द तथा संगीत रहेको छ भने साहज शाक्यले संगीत संयोजन गरेका छन् ।

गीतको भिडियोमा आफुले प्रेम गरेको मान्छे जति नै गरिव भएपनि उ भन्दा मुल्यवान अर्को कोही हुन सक्दैन भन्ने सन्देश दिन खोजिएको छ । गीतको भिडियोमा सागर लम्साल(बले) कामदार हुन्छ भने त्यहि काम गर्ने सोनासँग उसको प्रेम हुन्छ । तर , सोनालाई मालिकले मन पराउने कुरा गर्छ तर सोनाले आफुलाई बले नै मन पर्छ भन्ने कुरा गरेपछि मालिकले बले भए ठाउँमा पुर्याइदिन्छ । गीतको भावले अरु जतिसुकै धनाड्य भएता पनि आफ्नो माया करोड हुने गीतमार्फत भन्न खोजेको छ ।

गीतको भिडियोमा सागर लम्साल,गोभिन सिंह बिस्ट र गायिका सोना अमात्य फिचर्ड छन्। गम्भीर बिस्टको निर्देशनमा बनेको भिडियोलाई बुद्ध थापाले छायांकन गरेका छन् । भिडियोमा नबिन निरौलाको सम्पादन, सुबम भुजेलले कोरियोग्राफी रहेको छ भने सहायक निर्देशन सुबोल थापाले गरेका हुन्। भिडियो गायिकाको आफ्नै अफिसियल च्यानल मार्फत सार्वजनिक गरिएको छ।