विराटनगरबाट थालियो ‘बिहे पास’को छायांकन

प्रवेश पौडेलको निर्देशनमा फिल्म ‘बिहे पास’को छायांकन सुरु भएको छ । फिल्म विराटनगरको श्रीसंसारी माई मन्दिरमा मुर्हत गर्दै छायांकन सुरु भएको हो । यस फिल्ममा दयाहाङ राइ,प्रकृति श्रेष्ठको मुख्य भुमिका रहेको छ । फिल्म विराटनगर र धरानका विभिन्न स्थानमा छायांकन हुने निर्माण पक्षले बताएको छ ।

रोहित कट्टेलको प्रस्तुति रहेको फिल्मको कथा आकाश बराल, सजन काफ्ले र मुरे केरले मिलेर लेखेका हुन् भने पटकथा आकाश बराल र सजन काफ्लेको छ । कार्यकारी निर्मातामा रत्न श्रेष्ठ र सह निर्मातामा ग्याल्जेन लामा रहेका छन् । फिल्म ‘अमेरिकी ब्वाइज’ को निर्देशन गरेका प्रवेशले ‘विहे पास’को पनि निर्देश समालेका छन् । फिल्मको छायांकन करिव एक महिनाको हुने प्रस्तुतकर्ता कट्टेलले बताए ।