अडिसनमा छानिएका ‘प्रेमगञ्ज’का लागि प्रशान्त, सुप्रिया र सिमरन

फिल्म ‘प्रेमगञ्ज’का लागि मुख्य कलाकार अडिसनबाट छनोट भएका छन् । कान्तिपुर फिल्म एकेडेमीमा भएको अडिसनबाट प्रशान्त, सुप्रिया खनाल, सिमरन खड्का र बालकलाकार आयुषी ढकाललाई छनोट गरिएको हो ।

परिच्छेन सेनको निर्देशनमा बन्न लागेको फिल्ममा उनकै कथा रहेको छ । फिल्मको यही चैत २५ गतेबाट छायांकन सुरु गर्ने निर्माणपक्षले जनाएको छ । फिल्मलाई दुई दशकदेखि नेपाली फिल्म क्षेत्रमा स्पोट ब्वाईको रुपमा काम गर्दै आएका राजु फुयाँलले ‘प्रेमगञ्ज’ को निर्माण गर्न लागेका हुन् । फिल्मको छायांकन काठमाडौ ,काभ्रे, जिरी लगायत स्थानमा हुने छ । यस फिल्मको कार्यकारी निर्माता अनन्तमान श्रेष्ठ रहेका छन् ।