‘जार’मा अनुप र सौगातसँग रोमान्स गर्दै बलिउड अभिनेत्री

भोलीबाट फिल्म ‘जार’को छायांकन हुने भएको छ । अभिनेता सौगात मल्ल, अनुपबिक्रम शाही र बलिउडकी अभिनेत्री गीताञ्जलीले फिल्ममा प्रमुख भूमिका निर्वाह गर्दैछन् । यस फिल्मको छायांकनका लागि अहिले दुवै अभिनेता भारतको सिक्किम पुगेका छन् ।

फेरी टेली पिक्चर्स, होप रिल र एल सेभेन सर्टस्को ब्यानरमा निर्माण हुने फिल्ममा सन् १८ सयको दशकतिर सिक्किमेली समाजमा घटेको एक यथार्थ घटनालाई फिल्ममा देखाउन लागिएको हो । फुर्वा छिरिङ लामाले निर्देशन गर्ने फिल्मको सम्पूर्ण छायांकन पश्चिम सिक्किममा नै हुनेछ ।
फिल्मको प्रदर्शन मिति पनि तय गरिसकिएको छ । आउँदो वर्षको दशैं र तिहारको बीचमा प्रदर्शन लक्ष्य निमाृण पक्षको छ । यस फिल्मको कथा इन्द्र बहादुर राईको लेखेका हुन् ।