इदमा भिड्दै जोन र सलमान

बलिउड अभिनेता सलमान खान स्टारर ‘राधे’ र अर्का अभिनेता जोन अब्राहमको ‘सत्यमवे जयते २’ बीच एकैसाथ रिलिज हुने भएको छ । यि दुईको प्रदर्शन मिति तोकिएसँगै बक्सअफिस भीडन्त निश्चित भएको हो । यी दुई फिल्म आगामी इदमा प्रदर्शन हुनेछन् ।

हालै ‘सत्यमेव जयते २’ को पोस्टरमा जोनलाई एक्सन चरित्रमा प्रस्तुत गरिएको छ । ‘राधे’मा पनि सलमान खान पनि उस्तै एक्सन देखिदैछन् ।
बहुप्रतीक्षित फिल्म सत्यमवे जयते २ मा जोनको तीनवटा भूमिका हुने जनाइएको छ । हरेक साल यसअघिका इद बिदामा सलमानका फिल्महरु मात्र एक्लो प्रदर्शनमा आउने गरेका थिए । यस वर्ष भने दुइ वटा फिल्म प्रदर्शनमा आउने भएका छन् । यो वर्ष ४ दिनको बिदा भएकाले पनि दुई फिल्म एकआपसमा प्रदर्शन भएपनि बक्सअफिसमा कमाइ राम्रो हुने फिल्मकर्मीको अपेक्षा छ ।