अब फिल्म खेल्ने नी त विपना जी

विपना थापा नेपाली फिल्मकी हिरोइन । क्रेज थियो बबाल कुनै बेलामा । फिल्म चल्थे भटाभट । यसरी चल्थे कि के भन्ने र खै । विपनाले सय भन्दा धेरै फिल्म खेलेकी छिन् । खेलेका धेरै फिल्म हिट । हिट फिल्मकी हिट अभिनेत्री । गुपचुप अहिले त ।

भारतमा बिहे गरेर बसेपछि विपना गुपचुप । फिल्म क्षेत्रले उनलाई संझिएन । किनभन्दा उनी हराइन् । फिल्ममा देखिन छाडेपछि कलाकारलाई विर्सने त फिल्म क्षेत्रको बानी नै हो भनेर भनौ ।

विपना थापा नेपालमा छिन् । नेफ्टा फिल्म अवार्डमा पनि सहभागी भइन् । सहभागी भएकी विपनाले फिल्म क्षेत्रले विर्सियो भनिन् । १४ बर्षपछि नेपाली फिल्मको कार्यक्रममा आएको भनेर खुशी भइन् ।

विपना थापालाई मात्र होइन, फिल्म क्षेत्रले धेरै अभिनेत्रीलाई विर्सिएको छ । यो त फिल्म क्षेत्रको बानी भयो ।

विपना खुशी छिन् । प्राविधिक संघले संझियो भनेर रोइन् पनि । विपनाजी, अब फिल्म खेल्ने नी त । दर्शकले विर्सिएका छैनन् । संचारमाध्यमले माया दिएका छन् ।