उषालाई सुनको तिलहरी लगाइदिने आकाशको वाचा

नायक आकाश श्रेष्ठले मोडल उषा उप्रेतीलाई सुनको तिलहरी लगाइदिने वाचा गरेका छन् । तर, यो वाचा वास्तविक जीवनमा भने होइन । उनले, आज सार्वजनिक भएको ‘सुनै सुनको तिलहरी’ बोलको गीतको भिडियोमा यो वाचा गरेका हुन् । यो गीतमा गायक प्रदिप कार्की र गायिका बेनिशा पौडेलको स्वर छ । गीतमा दीपक शर्माको शब्द तथा संगीत छ ।

गीतको भिडियोलाई विधान कार्कीले निर्देशन गरेका हुन् । भिडियोमा नायक आकाश श्रेष्ठ र मोडल उषा उप्रेतीको जोडीलाई देख्न सकिन्छ । आकाश र उषाको जोडी भिडियोमा गज्जब सुहाएको छ । डान्सिङ नम्बरको यो गीतको भिडियोमा आकाश र उषाको डान्सले पनि दर्शकको मन जित्न सक्छ ।

माधव शर्मा एसोसियट डिरेक्टर रहेको यो भिडियोमा मनिषा थापाको कोरियोग्राफी, विकास दाहालको सम्पादन, हरि हुमागाँइको छायांकन छ ।