हलमा दर्शक नआउने देखिपछि अप्रिल २ मा अक्षयको ‘सूर्यवंशी’ अन्योलमा

सबैले अपेक्षा गरेको बलिउड अभिनेता अक्षय कुमारको फिल्म ‘सूर्यवंशी’ को रिलिज डेट सरेको छ । आगामी अप्रिल २ बाट रिलिज हुने पक्का भएको फिल्म  रिलिज नहुने भएको हो ।

रोहित सेट्टीको निर्देशनमा बनेको यो फिल्ममा अक्षय कुमार र कट्रिना कैफ मुख्य भूमिकामा रहेको छ । फिल्म तत्काल रिलिज नगर्ने पक्षमा अक्षय र रोहित सेट्टी रहेको भारतिय मिडियाले जनाएका छन् । निकै महंगो बजेटमा निर्माण भएको फिल्ममा दर्शक नआउने डरका कारण फिल्म तत्काल रिलिज नगर्ने भएका हुन् । फिल्म चल्नका लागि शत प्रतिशत अकुपेन्सीका साथ व्यापार हुन आवश्यक रहेको निर्माण पक्षले जनाएको छ ।  नेपाली हलवाला पनि अक्षयको फिल्म कुरेर बसेका थिए ।