नेपालमा खिचिएको ‘सन्दिप और पिंकी फरार’ को दोस्रो ट्रेलर यस्तो छ ?

नेपालमा खिचिएको बलिउड फिल्म ‘सन्दिप और पिंकी फरार’ को दोस्रो ट्रेलर सार्वजनिक भएको छ । फिल्ममा अर्जुन कपूर र परिणीति चोपडा अभिनय गरेका छन् । जसमा अर्जुन र परिणीतिको भेट भएपछि हुने उतार–चढावमालाई ट्रेलरमा बुझ्न सकिन्छ ।

दिबाकर बनर्जी निर्देशित यो फिल्म नेपाल–भारत सीमानामा पर्ने बैतडी झुलाघाट नाका क्षेत्रमा छायांकन गरिएको छ । फिल्मको ट्रेलरमा नेपालका केही दृश्यहरु देख्न सकिन्छ । सार्वजनिक भएको १ मिनेट ४६ सेकेण्डको ट्रेलरमा फिल्मको मूल द्वन्द देखाइएको छैन । फिल्ममा अर्जुन , परिणीतिका अलवा जयदीप अहलावत र नीना गुप्ताको पनि मुख्य प्रमुख भूमिका रहेको छ । यशराज फिल्मस्को ब्यानरमा बनेको फिल्म यही १९ मार्चबाट प्रदर्शनमा आउँदैछ ।