दिवाकारको ‘तिमीसँगै हुने मन छ’मा जोडिए नाजिर

‘क्याप्टेन’ फेम्ड निर्देशक दिवाकर भट्टराईको निर्माण र निर्देशनमा बन्न लागेको फिल्म ‘तिमीसँगै हुने मन छ’ मा नाजिर हुसेन अनुबन्धित भएका छन् । नाजिरसँग निर्माण पक्षले कागजी सम्झौता गरेको हो ।

फिल्ममा नाजिरसँँगै मुम्बईका रोहित सुचान्ती र अभिनेत्री दीपिका प्रसाईंको मुख्य भूमिका रहनेछ । बलिउड अभिनेता रोहितले ‘तुने प्यार क्या किया, रिश्ता लिखंगे हम नयाँ’ लगायतका टेलिसिरियलमा अभिनय गरसकेका छन् । त्यस्तै उनी रियालिटी शो ‘बिग बोस १२’ मा समेत भाग लिएका थिए ।
यस फिल्ममा अभिनेता रोहितसँगै प्राविधिक टिम पनि भारतकै हुने निर्माण पक्षले जानकारी दिएको छ । ओम नम शिवाय प्रोडक्सनको ब्यानरमा बन्न लागेको फिल्मलाई भारतमा पनि प्रदर्शन गर्ने तयारी गरिएको छ ।फिल्मको छायांकन चैतबाट हुने निर्माण पक्षले बताएको छ । जसका लागि बलिउड अभिनेता रोहित नेपाल आउने तयारीमा रहेको छन् ।