वेब सिरिज ‘मेरो अदालत’ निर्माणको तयारीमा

नेपालमा पछिल्लो समय कलाकार आफैले वेब सिरिज निर्माण गर्न थालेका छन् । अभिनेत्री प्रियंका कार्की देखि लिएर रवी कार्कीले समेत वेब सिरिज निर्माण गरेका छन् । अभिनेता रवी कार्की पनि नयाँ वेब सिरिज ‘मेरो अदालत’ निर्माण गर्ने भएका छन् ।

उनी आफै निर्माता रहने वेब सिरिजमा कथाका पनि उनैको रहेको छ । सहनिर्माताका रुपमा मालती कार्की रहेकी छन् । सिरिजको निर्देशन रामेशकुमार राईले गर्नेछन् । देशमा घटिरहेका विविध घटनाका पीडितले न्याय नपाइरहेको पछिल्लो अवस्थामा केही सत्य घटना र केही काल्पनिक घटना देखाइनेछ ।

यस निर्माण पक्षले सिरिजको थिम पोस्टर पनि सार्वजनिक गरिसकेको छ । सार्वजनिक भएको पोष्टरमा एक युवाले हातमा लालटिन बोकेर न्याय खोजेको देखिन्छ । त्यस्तै पोस्टरमा न्यायमुर्तिको अनुहारमा रातो पोतिएको देख्न सकिन्छ । यस वेब सिरिज रिएण्डकी फिल्मसको व्यानरमा निर्माण हुन लागेको हो । सिरिज कुन टेलिभिजनबाट प्रसारण हुने हो टुङ्गो लागेको छैन । कुनै एक राष्ट्रिय टेलिभिजनबाट प्रसारण गरिने निर्माण पक्षले जनाएको छ । छायांकनको तयारीमा रहेको यस सिरिजमा सूर्य सिजी र पर्वत राईको समेत लगानी रहनेछ ।