७ वर्षपछि कमब्याक गर्दै चर्चित अभिनेत्री जया बच्चन

चर्चित अभिनेत्री जया बच्चन ७ वर्षपछि अभिनयमा फर्किन लागेकी छन् ।

लामो समयपछि जया फिल्ममा कमब्याक गर्ने भएकी हुन्।

बलिउड महानायक अमिताभ बच्चनकी पत्नि रहेकी जया ७ वर्षपछि फिल्ममा फर्किन लागेकी हुन् ।

भारतिय मिडियाका अनुसार उनले अब एक मराठी फिल्ममा काम गर्ने भएकी छिन् । मराठी फिल्ममा उनले पहिलो पटक अभिनय गर्न लागेकी हुन् । यसअघि उनले कुनै मराठी फिल्ममा काम गरेकी थिइनन् । उनले अभिनय गर्ने मराठी फिल्मलाई गजेन्द्र अहीरेले निर्देशन गर्दैछन् ।

गजेन्द्रले अहिलेसम्म ५० भन्दा पनि धेरै मराठी फिल्म निर्देशन गरिसकेका छन् ।

अमिताभसँगको विवाहपछि पनि उनले धेरै फिल्ममा अभिनय गरेकी थिइन् । हालसम्म धेरै फिल्ममा अभिनय गरिसकेकी जयाले पछिल्लो पटक सन् २०१२ मा रिलिज ऋतुपर्णो घोषको फिल्म ‘सनग्लास’मा गरेकी थिइन् । तर यो फिल्म रिलिज हुन सकेन ।