दरबारमार्गमा बाटै छेकेर आज ‘सडक सांस्कृतिक महोत्सव’ गरिदैँ

आज दरबारमार्गमा बाटो छेकेर नै कन्सर्टको आयोजना गरिएको छ। राष्ट्रिय प्रजातन्त्र दिवस–२०७७ को अवसर पारेर काठमाडौं महानगरपालिकाले आज साँझ एउटा लाइभ कन्सर्ट गर्न लागेको हो ।

साँझ ५ बजेपछि प्रारम्भ हुने यो ओपन कन्सर्टलाई काठमाडौं महानगरपालिकाले आयोजना गर्न लागेको हो । ‘सडक सांस्कृतिक महोत्सव’ शीर्षक राखिएको उक्त कार्यक्रममा लोकप्रिय गायक–गायिका सविन राई, प्रकाश सपूत र मदन गोपाल तथा गायिकाहरु मिलन नेवार, प्रिती आले तथा मञ्जु पौडेलले  आफ्ना चर्चित गीतहरु प्रस्तुत गर्दैछन् ।

यो कन्सर्टमा प्रवेश निस्शुल्क रहने छ भने कन्सर्ट राति ९ बजेसम्म सञ्चालन हुने छ । यस कार्यक्रममा चर्चित कलाकारका साथ नेपाली सेना, सशस्त्र प्रहरी तथा नेपाल प्रहरीका सांस्कृतिक नृत्यहरु समेत प्रस्तुत हुने आयोजकले जानकारी दिएको छ ।