चितवनमा बिपिन र आँचल सम्मानित

चितवनमा अभिनेता बिपिन कार्की तथा अभिनेत्री आँचल शर्मा सम्मानित भएका छन् । नेपाली फिल्म क्षेत्रको संरक्षण, प्रवर्धन र विकासमा महत्वपूर्ण योगदान पुर्याएकाको भन्दै कार्की र शर्मालाई सम्मान गरिएको हो । लक्की मिडिया हाउसको पाँचौ वर्षमा प्रवेश गरेको अवसरमा आयोजित कार्यक्रममा सम्मान कार्यक्रम राखिएको थियो ।

यस वार्षिकोत्सव कार्यक्रममा प्रमुख अतिथिका रुपमा पूर्व स्वास्थ्य मन्त्री तथा नेपाली कांग्रेसका केन्द्रीय सदस्य गगन थापा, विशिष्ट अतिथि वरिष्ठ कलाकार नीर शाह र लक्की मिडिया हाउसका महाप्रबन्धक हरि कार्की लक्कीले सम्मानपत्र सहित दोसल्ला ओढाएर सम्मान गरेका छन् ।

कलाकर्मीका अलवा चिकित्सक, शिक्षाकर्मी, व्यवसायी, समाजसेवी तथा खेलाडीहरु पनि सम्मान गरिएको थियो ।सम्मान कार्यक्रममा साहित्यकार झमक घिमिरेद्वारा लिखित नेपाली फिल्म ‘जीवन काँडा की फूल’ प्रर्दशन गरिएको आयोजकले बताएको छ।