जाहान्वीलाई अवार्डको हतार

अवार्ड पाउन कतै हतार हुने रहेछ । कतै अवार्ड नै बहिष्कार पनि गर्दिने गर्छन् । अवार्ड त यस्तै हो । नयाँ नयाँ कलाकार हुँदा अवार्ड पाउन पाए हुन्छ भन्ने पनि लाग्छ । अवार्ड पाए खतरै भइन्छ भनेर पनि हुँदो रहेछ । अवार्ड त अवार्ड नै हो भनेर भनौ ।

अभिनेत्री जाहान्वी बस्नेतलाई पनि हुने यही रहेछ । नेफ्टा फिल्मको दशौं संकरणमा उनी पुगिन् । सह अभिनेत्रीको विधामा परिन् उत्कृष्ट ५ मा ।

आयोजकले पहिले नै टप ५ मा पर्नु भएको छ भनेर भनेका रहेछन् क्यारे । जाहान्वीले भिडियो खिच्न मोबाइल नजिककै साथीलाई दिइन् । उनी उत्साहित खुबै ।

उत्कृष्ट ५ को नाम आएपछि झनै उनको खुशी । दौडिदै पहिले नै पुगिन् स्टेजमा । प्रमाणपत्र लिइन् । घर भरी शोभित बस्नेत, सलोन बस्नेतको अवार्ड छन् । उनले यो देखेकी छिन् । यही भएर पनि आफ्नो कोठामा पनि अवार्ड होस् भन्ने लागेको रहेछ भनेर भनौ ।

उनलाई अवार्ड लिन हतार भैसकेको छ । भोली अर्कैले पायो भने के हुने होला । मन दुख्छ नि हतार गर्दा त । अवार्ड भन्दा पनि काममा ध्यान दिने हो कि । अवार्ड नपाएर केही हुन्न । काम पाइएन भने सकियो नी भनेर भनौ ।