पुष्प र साम्राज्ञी अभिनित ‘तिम्रो मेरो साथ’को छायांकन सकियो

अभिनेता पुष्प खड्का र अभिनेत्री साम्राज्ञी आरएल शाह अभिनीत फिल्म ‘तिम्रो मेरो साथ’ को छायांकन सकिएको छ । फिल्मको छायांकन सुरु भएको ३३ औँ दिनमा छायांकन सकिएको हो ।
चलचित्र पत्रकार संघ कास्कीको आयोजनामा भएको कार्यक्रममा निर्माता तथा निर्देशक रमेश एमके पौडेलले फिल्मको छायांकन सकिएको जानकारी गराएका हुन् । फिल्म निर्माताबाट निर्देशन थालेका रमेशले यहि फिल्मबाट निर्देशकमा डेब्यु गरेकी हुन् । उनले यस अघि ‘रुद्रप्रिया र रज्जा रानी’ फिल्मको निर्माण गरिसकेका छन् ।
बोधी एचडि र आर्यन फिल्मसको ब्यानरमा बनेको फिल्ममा पुष्प,साम्राज्ञीका अलवा सरोज खनाल,सन्दिप क्षेत्री, इमिली लामा, खगेश्वर पुन मगर (खबपू) लगायतको पनि अभिनय रहेको छ । योगेश काजीको संगीत रहेको फिल्मका निर्मातामा पासाङ लामा र सह(निर्मातामा निरू भण्डारी, सुमन पौडेल र सुधिर पराजुली छन् ।

फिल्मको लेखक तथा कार्यकारी निर्माता सविर श्रेष्ठ रहेका छन् भने छायांकारमा शिव ढकाल छन् । फिल्मको नृत्य निर्देशक रामजी लामिछाने रहेका छन्। आगामी दसैँमा रिलिज गरिने यस फिल्मलाई नेपालभन्दा अगाडी अमेरिका, अष्ट्रेलिया र बेलायतलगायतका देशहरूमा प्रदर्शन हुने निर्देशक पौडेलले बताएका छन् । निर्माण टिमले सुटिङ अवधिभर पुष्प, साम्राज्ञी र सन्दिपलाई बडिगार्डको व्यवस्था गरेको थियो ।