‘नेपालको राजनिती खाए खाँ नखाए घिच’ सार्वजनिक

नेपाली गीत संगीतमा राजनितिक ब्यङ्ग्य गरिएका गीत बेला बखतमा सार्वजनिक हुदै आएका छन् । ति गीतहरुलाई आम दर्शक तथा स्रोताहरुले मन पराउने गरेका पनि छन् ।

अहिलेको राजनिती परिवेशमा आधारित नयाँ गीत सार्वजनिक भएको छ। राजनिती कै कारण देश तहस नहस भएको छ । नेपालका भ्रष्ट नेताहरुले गर्दा सोझा जनताहरुले दुःख पाईरहेका कुरालाई गीत मार्फत गजलकार अञ्चल शाहीले नयाँ गीत सार्वजनिक गरेका छन् । उनले ‘नेपालको राजनिती खाए खाँ नखाए घिच’ बोेलको गीत सार्वजनिक गरेका हुन् । अञ्चल शाहीको शब्द रहेको यस गीतमा सुवास थापा मगरको संगीत रहेको छ ।

गीतमा सुवार थापा मगर, दिपक घर्ती मगर, मुकेश पुलामी मगर, रुपी सिंजाली, किशान काले, मनु सापकोटा, प्रकाश रसाईली भाबुक, अशिम चन्द बिक, प्रकाश गौतम र चक्र बिकको स्वर सुन्न सकिन्छ । यस गीतको निर्माता कमल बिम्ब हुन् भने संगीत सम्योजन डोलराज बारघरे मगरले गरेका छन् । गायक आफैले गीतको भिडियोलाई निर्देशन गरेका छन् । गीतको भिडियोमा समिर रामदाको छायांकन, सम्पादन रहेको छ ।