अरुणको ‘फटाह फणिन्द्रे’मा छुल्ठिम,रोहित,सुस्मा अनुबन्धित

अरुण खड्काको निर्माण तथा निर्देशनमा फिल्म ‘फटाह फणिन्द्रे’ बन्ने भएको छ । फिल्मका मुख्य कलाकारको टुङ्गो लगाउदै फिल्म निर्माण हुने पक्का भएको हो । यस फिल्ममा कलाकार कर्मासँगै अभिनेत्री छुल्ठिम गुरुङ र रोहित रुम्बालाई निर्माण टिमले अनुबन्धित गरेको छ ।

यस फिल्मका लागि अभिनेत्री सुष्मा कार्कीलाई दुइ वर्ष अघि नै अनुबन्धित गरेको थियो । श्रीराम बालाजी फिल्मस् र अरुण फिल्म प्रोडक्सन प्रालीको संयुक्त ब्यानरमा निर्माण हुन लागेको यो फिल्ममा सुनिल मानन्धर प्रस्तुतकर्ताको रुपमा छन्।उत्तम केसीको कथा रहेको फिल्ममा हिमाल उप्रेती, सुशिल पोखरेल र अरुण खड्काको पटकथा तथा संवाद रहेको छ ।

अरुणले यस अगाडि ‘तिम्रो लागि, पाठशाला’ लगायतका फिल्ममा लगानी गरेका थिए । यसै फिल्मबाट अरुणले निर्देशनमा डेब्यू गर्न लागेका हुन् । फिल्ममा विक्रम सिंह गुरङ निर्माता रहेका छन् भने नेत्र बिष्ट कार्यकारी निर्माताको रुपमा छन् । फिल्ममा अपराधको कथालाई कमेडीको माध्यमबाट प्रस्तुत गर्ने निर्माण पक्षले जनाएको छ ।

रोशन श्रेष्ठको एक्सन, विपिन मल्लको सम्पादन र इश्वरलाला सिंकेमनको छायांकन रहने पक्का भएको छ । फिल्मको छायांकन चैत्रको पहिलो साताबाट गर्ने निर्माण पक्षले बताएको छ।