‘सत्यम’मा राजेश,अनुबिक्रमसँगै पल, अभिनेत्रीको खोजीमा निर्माण टिम

शंकर कार्कीको निर्देशनमा बन्न लागेको फिल्म ‘सत्यम’ मा अभिनेता पल शाहलाई अनुबन्ध गरेको छ। फिल्मका लागि नयाँ कलाकार खोज्नका लागि देश दौडाहामा निस्किनु अघि अभिनेता शाहलाई अनुबन्ध गरेको हो ।

फिल्म निर्माण टिमले यस अघि अभिनेता राजेश हमाल र अनुपविक्रम शाही अनुबन्धित गरेको घोषणा गरेको थियो । राजेश, अनुबिक्रमसँगै पलको नाम पनि फिल्ममा जोडिएको छ।

फिल्ममा अभिनत्री छनोट गर्न बाँकी नै रहेको छ। केहि कलाकार अडिसन मार्फत छनोट गर्ने निर्माण टिमले जानकारी दिएको हो । यस टिमले काठमाडौंसँगै पोखरा, बुटबल र झापामा अडिसन गर्ने एक साता अघि नै हल्ला फिँजाएको थियो । म्युजिक भिडियोमा रमाइरहेका अभिनेता हमाल यसै फिल्ममा ४ वर्षको अन्तराल फर्किन लागेका हुन् । उनले यस फिल्ममा अभिनय गर्नका लागि साइन गरिसकेका छन् ।