अर्जुनको ‘गोरे सार्की’ अर्को साल

फिल्म निर्माता अर्जुन कुमार ले नयाँ फिल्मको घोषणा गरेका छन् । उनले सामाजिक सञ्जालमार्फत फिल्म ‘गोरे सार्की’ निर्माण तथा निर्देशन गर्न लागेको बताएका हुन् ।

यस अघि उनले ‘द यूगदेखि यूगसम्म, चपली हाइट, चपली हाइट–२, फिटकिरी, फाटेको जुत्ता, चपली हाइट–३ लगायत दर्जनौ चलचित्रमा लगानी गरेका छन् । यस पटक भने आफै फिल्म निर्माताका साथै निर्देशकको रुपमा समेत प्रस्तुत हुने बताएका छन् ।

अर्जुनले निर्माण गर्न लागेको फिल्म ‘गोरे सार्की’को स्क्रिप्ट पनि तयार भैसकेको छ । यस फिल्मको कलाकार तथा प्राविधिहरुको टुङ्गो लागेको छैन। अर्जुन कुमार फिल्म्स प्रोडक्सनको ब्यानरमा निर्माण हुने ‘गोरे सार्की’ का प्रस्तुतकर्ता अर्जुन आफै रहनेछन् । यो फिल्मको प्रदर्शन अर्को साल कार्तिक महिनामा गर्ने बुझिएको छ।